ຍິນດີຕ້ອນຮັບເຂົ້າສູ່ເວັບໄຊ ກົມກວດກາ, ກະຊວງ ວິທະຍາສາດ ແລະ ເຕັກໂນໂລຊີ !!!

ກອງປະຊຸມສຳມະນາວຽກງານກວດກາໂດຍການນຳໃຊ້ລະບົບ ໄອທີ ຢູ່ (ພວຕ) ແຂວງ ຈໍາປາສັກ

ກອງປະຊຸມສຳມະນາວຽກງານກວດກາໂດຍການນຳໃຊ້ລະບົບ ໄອທີ ຢູ່ (ພວຕ) ແຂວງ ຈໍາປາສັກ

003

ໃນວັນທີ 24 ພຶດສະພາ 2019, ພະແນກ ວິທະຍາສາດ ແລະ ເຕັກໂນໂລຊີ (ພວຕ) ແຂວງ ຈໍາປາສັກ ຈັດກອງປະຊຸມຝຶກອົບຮົມໄອທີ ເພື່ອນໍາໃຊ້ເຂົ້າໃນວຽກງານກວດກາ ພາຍໃຕ້ “ໂຄງການຄົ້ນຄວ້າສ້າງ ຄວາມເຂັ້ມແຂງ ໃຫ້ແກ່ວຽກງານກວດກາ”.

   ກອງປະຊຸມຝຶກອົບຮົມຄັ້ງນີ້ ໄດ້ຮັບການຮ່ວມມືຈາກ ກົມກວດກາ, ກະຊວງວິທະຍາສາດ ແລະ ເຕັກໂນໂລຊີ (ກວຕ) ສົມທົບກັບ  ກົມເຕັກໂນໂລຊີດີຈີຕ໋ອນ,  ກວຕ  ແລະ  ໄດ້ຮັບກຽດການເຂົ້າຮ່ວມເປັນປະທານ ຂອງ ທ່ານ ເຮີເຊັງ ເຢຍປໍເຮີ, ຫົວໜ້າກົມກວດກາ, ກວຕ ແລະ ທ່ານ ສີຟອງ ແກ້ວເຮືອງມະນີ, ຫົວໜ້າພະແນກ ວິທະຍາສາດ ແລະ ເຕັກໂນໂລຊີ (ພວຕ) ແຂວງ ຈໍາປາສັກ.

 

   ກອງປະຊຸມຝຶກອົບຮົມດັ່ງກ່າວ ມີຈຸດປະສົງເພື່ອດຳເນີນຕາມແຜນຈັດຕັ້ງປະຕິບັດໂຄງການຄົ້ນຄວ້າ ສ້າງຄວາມເຂັ້ມແຂງ ໃຫ້ແກ່ວຽກງານກວດກາ ຂອງກົມກວດກາ, ກວຕ. ໂຄງການດັ່ງກ່າວຂອງກົມກວດກາ ຢູ່ໃນໄລຍະສຸດທ້າຍຂອງການຈັດຕັ້ງປະຕິບັດ.  ຄະນະຮັບຜິດຊອບໂຄງການ ໄດ້ຄັດເລືອກເອົາ ພະແນກ ວິທະຍາສາດ ແລະ ເຕັກໂນໂລຊີ (ພວຕ)  ແຂວງ ຈໍາປາສັກ ເປັນຈຸດທົດລອງ ການນຳໃຊ້ໄອທີ ເຂົ້າໃນວຽກງານກວດກາ ຢູ່ທ້ອງຖິ່ນ.

   ໃນກອງປະຊຸມຝຶກອົບຮົມໄອທີໃນຄັ້ງນີ້, ທ່ານ ເຮີເຊັງ ເຢຍປໍເຮີ, ຫົວໜ້າກົມກວດກາ, ກວຕ ໄດ້ໃຫ້ກຽດກ່າວເປິດກອງປະຊຸມຝຶກອົບຮົມຄັ້ງນີ້ ແລະ ກ່າວຈຸດ ປະສົງຂອງວຽກງານ ໂຄງການຄົ້ນຄວ້າສ້າງ ຄວາມເຂັ້ມແຂງ ໃຫ້ແກ່ວຽກງານກວດກາ ໃຫ້ທີ່ປະຊຸມໄດ້ຮັບຊາບ. ນອກຈາກນັ້ນ, ທ່ານ ສີຟອງ ແກ້ວເຮືອງມະນີ, ຫົວໜ້າພະແນກ ວິທະຍາສາດ ແລະ ເຕັກໂນໂລຊີ (ພວຕ) ແຂວງ ຈໍາປາສັກ ຍັງໄດ້ກ່າວສະຫຼຸບລາຍງານການຈັດຕັ້ງປະຕິບັດ ວຽກງານວິທະຍາສາດ ແລະ ເຕັກໂນໂລຊີແຂວງ ໂດຍຫຍໍ້ ອີກດ້ວຍ.

   ຄະນະປະທານ ຍັງໄດ້ຮຽກຮ້ອງມາຍັງບັນດາທ່ານທີ່ເຂົ້າຮ່ວມການຝຶກອົບຮົມໃນຄັ້ງນີ້ ນັບທັງວິທະຍາກອນ ຈົ່ງໄດ້ເອົາໃຈໃສ່ແລກປ່ຽນບົດຮຽນເຊິ່ງກັນ ແລະ ກັນ,  ສົ່ງຄວາມຮູ້ໃຫ້ກັນໃຫ້ຫຼາຍເທົ່າທີ່ເປັນໄປໄດ້. ເມື່ອສຳເລັດການຝຶກອົບຮົມແລ້ວ, ຜູ້ເຂົ້າຮ່ວມຝຶກອົບຮົມ ສາມາດນໍາໃຊ້ບົດຮຽນທີ່ໄດ້ຮຽນມາ ເພື່ອເກັບກຳຂໍ້ມູນ ແລະ ລາຍງານວຽກງານກວດກາໃຫ້ມີຄວາມວ່ອງໄວ ແລະ ຊັດເຈນ.

    ການຝຶກອົບຮົມຄັ້ງນີ້, ນັກສໍາມະນາກອນ ໄດ້ຮັບຟັງການນຳສະເໜີຄວາມເປັນມາຂອງໂຄງການ, ການແນະນຳເວບໄຊເບື້ອງຕົ້ນ. ບົດຮຽນຕ່າງໆທີ່ນຳມາອົບຮົມ  ຄັ້ງນີ້ ປະກອບດ້ວຍ ລະບົບຖານຂໍ້ມູນທີ່ຢູ່ໃນຮູບແບບເຕັກໂນໂລຊີດິຈິຕ໋ອນ, ລະບົບຈັດການຂໍ້ມູນຜ່ານການລົງທະບຽນເອກະສານ, ລະບົບການສົ່ງຄໍາຮ້ອງ ຟ້ອງ-ຄໍາສະເໜີ, ສາທິດການເອົາຂ່າວຂຶ້ນເວບໄຊ ແລະ  ການສົ່ງບົດລາຍງານກ່ຽວກັບວຽກກວດກາ ລະຫວ່າງ ສູນກາງ ແລະ ທ້ອງຖີ່ນ.

ເຂົ້າຮ່ວມກອງປະຊຸມຝຶກອົບຮົມຄັ້ງນີ້ ມີບັນດາຮອງຫົວໜ້າພະແນກ, ຫົວໜ້າຂະແໜງ, ຮອງຂະແໜງ ແລະ ພະນັກງານວິຊາການທີ່ກ່ຽວຂ້ອງ ທັງສູນກາງ ແລະ ທ້ອງຖິ່ນ ຈຳນວນ 20 ກວ່າທ່ານ.

ບົດຂ່າວ: ພະແນກກວດກາລັດ ແລະ ຕ້ານການສໍ້ລາດບັງຫຼວງ

002004005006007

ແຜນທີ່

 

ຄັງຮູບພາບ

ຕິດຕໍ່ພວກເຮົາ

​ທີ່ຕັ້ງ  :    ກະຊວງ ວິທະຍາສາດ ​ແລະ ​ເຕັກ​ໂນ​ໂລ​ຊີ

             ຕຶກ​ 100

​ໂທ    :    (+856-21) 243310 ຕໍ່ 110

             (+856-21) 255075 ຕໍ່ 110

​ແຟັກ  :    (+856-21) 213 470

ຕູ້ ປ​.ນ:   2279, ນະຄອນຫຼວງ​ວຽງ​ຈັນ

ອີເມວ:    doi@most.gov.la

​ເວັບ​ໄຊ:   ​doi.most.gov.la

ຖະໜົນ ນາໄຮ່ດຽວ, ບ້ານ ສີດຳດວນ, ​ເມືອງ ຈັນທະ​ບູລີ

ນະຄອນຫຼວງວຽງຈັນ

Tuesday the 15th. ສະຫວງນລິຂະສິດໂດຍ ກົມກວດກາ, ກະຊວງວິທະຍາສາດ ແລະ ເຕັກໂນໂລຊີ. ອອກແບບໂດຍ ກົມເຕັກໂນໂລຊີດິຈິຕ໋ອນ, ກະຊວງວິທະຍາສາດ ແລະ ເຕັກໂນໂລຊີ.