ພະແນກ ກວດກາລັດ ແລະ ຕ້ານການສໍ້ລາດບັງຫຼວງ

ໜ້າທີ່ຂອງພະແນກກວດກາການບໍລິຫານລັດ ແລະ ຕ້ານການສໍ້ລາດບັງຫຼວງ

1. ສຶກສາ, ຄົ້ນ​ຄ້ວາ​ຈັດ​ຕັ້ງ​ຜັນ​ຂະຫຍາຍ​ແຜນ​ວຽກ​ລະອຽດ ​ແລະ ​ໂຄງການ​ສະ​ເພາະ​ຂອງ​ກົມໃຫ້​ເປັນ​ໜ້າ​ວຽກ​ລະອຽດ​ຂອງ​ພະ​ແນ​ກ ​ເພື່ອ​ຕິດ​ຕາມ, ກວດ​ກາ;
2. ກວດກາການປະຕິບັດແນວທາງ, ມະຕິ, ຄໍາສັ່ງ, ກົດໝາຍຂອງລັດ,ຫຼັກການແລະແບບແຜນວິທີເຮັດວຽກໃນຂົງເຂດວຽກງານວິທະຍາສາດແລະເຕັກໂນໂລຊີ;
3. ຕິດຕາມ,ກວດກາສະພາບການປະຕິບັດໜ້າທີ່ການເມືອງຂອງການຈັດຕັ້ງພາຍໃນກະຊວງແລະພະແນກການສາຍຕັ້ງຢູ່ຂັ້ນທ້ອງ​ຖິ່ນກ່ຽວກັບການຈັດຕັ້ງປະຕິບັດແຜນການ, ແຜນງານ, ໂຄງການຕ່າງໆລວມທັງການນໍາໃຊ້ພາຫະນະ, ວັດຖຸອຸປະກອນຮັບໃຊ້ຕ່າງໆພາຍໃນກະຊວງໃຫ້ຖືກຕ້ອງຕາມເປົ້າໝາຍແລະຕາມກົດໝາຍຂອງລັດວາງອອກພ້ອມທັງຕິດຕາມ, ກວດກາການແກ້ໄຂຜົນຂອງການກວດກາ;
4. ຕິດຕາມ, ກວດກາການປະຕິບັດໜ້າທີ່ວຽກງານຂອງ ພະນັກງານ-ລັດຖະກອນ ທີ່ສັງກັດຢູ່ພາຍໃນກະຊວງ ແລະ ພະແນກສາຍຕັ້ງຢູ່ຂັ້ນທ້ອງ​ຖິ່ນ ທີ່ກ່ຽວຂ້ອງກັບວຽກງານ ວິທະຍາສາດ, ເຕັກໂນໂລຊີ-ຂໍ້ມູນຂ່າວສານ, ນະວັດຕະກໍາ, ຊັບສິນທາງປັນຍາ, ມາດຕະຖານ ແລະ ວັດແທກ;
5. ຈັດຕັ້ງປະຕິບັດ ແລະ ຄຸ້ມ​ຄອງການແຈ້ງຊັບສິນ-ລາຍຮັບ ຂອງລັດ​ຖະ​ກອນຂັ້ນກະຊວງຄຸ້ມຄອງ;
6. ເປັນເຈົ້າການຄົ້ນຄວ້າ, ປະສານສົບທົບ ກັບພາກສ່ວນທີ່ກ່ຽວຂ້ອງ ໃນເມື່ອເຫັນວ່າມີການລະເມີດຕໍ່ຂໍ້ກໍານົດກົດລະບຽບວາງອອກ ລາຍງານຕໍ່ຄະນະກົມຂອງຕົນ ເພື່ອສະເໜີລາຍງານຕໍ່ຄະນະພັກຄະນະນໍາກະຊວງ ພິຈາລະນາມີທິດຊີ້ນໍາ;
7. ຕິດຕາມ, ກວດກາວຽກງານປ້ອງກັນຄວາມສະຫງົບ ແລະ ຄວາມເປັນລະບຽບຮຽບຮ້ອຍຂອງການຈັດຕັ້ງພາຍໃນກະຊວງ;
8. ເຊີນແລະທວງໃຫ້ຂະແໜງການວິທະຍາສາດແລະເຕັກໂນໂລຊີເຂົ້າຮ່ວມ, ສະໜອງຂໍ້ມູນ ແລະເອກະສານຕ່າງໆທີ່ກ່ຽວຂ້ອງກັບການກວດກາ;
9. ຄົ້ນຄວ້າມາດຕະການ, ວິທີການເພື່ອສະກັດກັ້ນ ແລະ ຕ້ານການສໍ້ລາດບັງຫຼວງ ແລະ ປະກົດການຫຍໍ້ທໍ້ ຢູ່ພາຍໃນກະຊວງ ແລະ ທ້ອງຖິ່ນ ໃນຂົງເຂດວຽກງານວິທະຍາສາດ ແລະ ເຕັກໂນໂລຊີ;
10. ສະຫຼຸບລາຍງານແລະວາງແຜນວຽກງານຮອບດ້ານຂອງພະແນກເພື່ອລາຍງານຂັ້ນເທິງຢ່າງເປັນປົກກະຕິ;
11. ພົວພັນ​ຮ່ວມ​ມື, ພົບ​ປະ​ເຈລະຈາ, ປະສານ​ງານ​ກັບ​ອົງການ​ຈັດ​ຕັ້ງ​ຕ່າງໆ​ທັງ​ພາຍ​ໃນແລະຕ່າງປະ​ເທດ​ຕາມ​ການ​ມອບ​ໝາຍ​ຂອງ​ກົມ;
12. ປະຕິບັດ​ຄຳ​ສັ່ງ,​ ການ​ຕົກ​ລົງ,​ ຄໍາ​ແນະນຳ​ຕ່າງໆ ຂອງ​ກົມ ​ແລະ ວຽກງານອື່ນໆຕາມການມອບໝາຍ ຂອງກົມ;