ຍິນດີຕ້ອນຮັບເຂົ້າສູ່ເວັບໄຊ ກົມກວດກາ, ກະຊວງ ວິທະຍາສາດ ແລະ ເຕັກໂນໂລຊີ !!!

ໜ່ວຍພັກກົມກວດກາ ສໍາເລັດກອງປະຊຸມໃຫຍ່ ຄັ້ງທີ II

Untitledກອງປະຊຸມໃຫຍ່ຄັ້ງທີ II ຂອງໜ່ວຍພັກ ກົມກວດກາກະຊວງວິທະຍາສາດ ແລະ ເຕັກໂນໂລຊີ (ກວຕ) ໄດ້ໄຂ

ຂຶ້ນໃນຕອນເຊົ້າຂອງວັນທີ 19 ສິງຫາ 2019, ທີ່ຫ້ອງປະຊຸມຂອງ ກວຕ. ໂດຍໃຫ້ກຽດເຂົ້າຮ່ວມເປັນທານຂອງ ສະຫາຍ ບັນດິດ ສຈ. ບໍ່ວຽງຄຳ ວົງດາລາກໍາມະການສູນກາງພັກເລຂາຄະນະພັກລັດຖະມົນຕີກະຊວງວິທະຍາສາດ ແລະ ເຕັກໂນໂລຊີສະຫາຍ ເຮີເຊັງ ເຢຍປໍເຮີເລຂາໜ່ວຍພັກກົມກວດກາ ແລະ ສະຫາຍ ສົມຫວາດ ໂພທິສັດຮອງເລຂາໜ່ວຍພັກກົມກວດກາ ຊຶ່ງມີບັນດາສະຫາຍໃນຄະນະພັກກະຊວງ,ເລຂາໜ່ວຍພັກ ຫ້ອງການບັນດາກົມສະຖາບັນ ອ້ອມຂ້າງກະຊວງຕາງໜ້າສາມອົງການຈັດຕັ້ງມະຫາຊົນ ແລະ ບັນດາສະຫາຍສະມາຊິກພັກໜ່ວຍພັກກົມກວດກາ.

 

ໃນກອງປະຊຸມສະຫາຍ ເຮີເຊັງ ເຢຍປໍເຮີເລຂາໜ່ວຍພັກກົມກວດກາ ໄດ້ຂຶ້ນຜ່ານ ບົດລາຍງານການເມືອງ ຂອງໜ່ວຍພັກ ໄລຍະແຕ່ປີ 2014-2019 ຊຶ່ງມີເນື້ອໃນທີ່ພົ້ນເດັ່ນສະແດງອອກຄື: ໃນຊຸມປີຜ່ານມາ ຄະນະໜ່ວຍພັກ ຍາມໃດກໍໄດ້ເອົາໃຈໃສ່ສຶກສາອົບຮົມການເມືອງ-ແນວຄິດ ໃຫ້ສະມາຊິກພັກ-ພະນັກງານດ້ວຍຮູບການຕ່າງໆ ເຊັ່ນ: ເຂົ້າຮ່ວມກອງປະຊຸມເຊື່ອມຊຶມ ແລະ ຄົ້ນຄວ້າຮໍ່າຮຽນເອກະສານມະຕິກອງປະຊຸມໃຫຍ່ຄັ້ງທີ ຂອງພັກກົດລະບຽບຂອງພັກສະໄໝທີ X, ແຜນພັດທະນາເສດຖະກິດ-ສັງຄົມ ປີ ຄັ້ງທີ VIII, ມະຕິກອງປະຊຸມຄົບຄະນະຂອງຄະນະບໍລິຫານງານສູນກາງພັກສະໄໝທີ X, ເອກະສານກ່ຽວກັບວຽກງານກວດກາວຽກງານກໍ່ສ້າງພັກ ແລະ ວຽກງານຄຸ້ມຄອງພະນັກ ງານຮໍ່າຮຽນແບບແຜນວິທີເຮັດວຽກ ແລະ ຄຸນສົມບັດສິນທໍາປະຕິວັດຂອງທ່ານຜູ້ນໍາມູນເຊື້ອວັນສຳຄັນຂອງພັກ ແລະ ຂອງຊາດໄດ້ມີການສຶກສາອົບຮົມການເມືອງ-ແນວຄິດ ໃນບັ້ນດໍາເນີນຊີວິດການເມືອງປົວແປງພັກໃນກອງປະຊຸມດໍາເນີນຊີວິດການເມືອງປະຈໍາເດືອນຂອງໜ່ວຍເປັນປົກກະຕິ ເຫັນວ່າສະມາຊິກພັກ-ພະນັກງານຂອງກົມມີຈິດໃຈຮັກຊາດເປັນເຈົ້າຕົນເອງມີຄວາມສາມັກຄີເປັນເອກະພາບພາຍໃນພັກມີຄຸນສົມບັດສິນທໍາປະຕິວັດຕ້ານແນວຄິດ ແລະ ປະກົດການຫຍໍ້ທໍ້ໃນສັງຄົມໃນສໍານັກງານອົງການມີສະຕິລະວັງຕົວຕໍ່ຕ້ານທຸກກົນອຸບາຍຂອງສັດຕູມີສະຕິຕື່ນຕົວເຄົາລົບລະບຽບກົດໝາຍເປັນເຈົ້າການປະຕິບັດແນວທາງ ແຜນພັດທະນາເສດຖະກິດ-ສັງຄົມ ຂອງພັກ-ລັດ ເວົ້າລວມເວົ້າສະເພາະແຜນພັດທະນາວິທະຍາສາດ ແລະ ເຕັກໂນໂລຊີແຜນຍຸດທະສາດການຕິດຕາມກວດກາ ແລະ ຕ້ານການສໍ້ລາດບັງຫຼວງຂອງກະຊວງປະກອບສ່ວນຢ່າງຕັ້ງໜ້າໃນການເຄື່ອນໄຫວປະຕິບັດໜ້າທີ່ວຽກງານຂອງກົມກວດກາມີຜົນສໍາເລັດຫຼາຍດ້ານ.

ປັດຈຸບັນໜ່ວຍພັກ ກົມກວດກາ ມີສະມາຊິກພັກທັງໝົດ 10 ສະຫາຍຍິງ 04 ສະຫາຍ ປະກອບມີເລຂາໜ່ວຍ ສະຫາຍຮອງເລຂາໜ່ວຍ 1ສະຫາຍໄດ້ດຳເນີນການສະຫຼຸບຕີລາຄາປະເມີນຜົນ ໜ່ວຍພັກປອດໃສເຂັ້ມແຂງໜັກແໜ້ນໃນປີ 2018 ແລະ ຈັດແບ່ງປະເພດສະມາຊິກພັກ ມີ ປະເພດແຂງ 05 ສະຫາຍກາງ 01 ສະຫາຍ ແລະ ໄດ້ສະເໜີຄະນະພັກຂັ້ນເທິງພິຈາລະນາຮັບຮອງເປັນໜ່ວຍພັກປອດໃສເຂັ້ມແຂງໜັກແໜ້ນໄດ້ເປີດບັ້ນດຳເນີນຊີວິດການເມືອງ ສໍາຫຼວດກວດກາ ແລະ ຕີລາຄາຈັດແບ່ງປະເພດສະມາຊິກພັກ ຈໍານວນ 10 ສະຫາຍແຂງ 06 ສະຫາຍ ກວມ 60%; ວຽກງານຂະຫຍາຍພັກໃນຊຸມປີຜ່ານມາ ສາມາດສ້າງມະຫາຊົນຜູ້ກ້າວໜ້າເປັນສະມາຊິກພັກ 05 ສະຫາຍຍິງ 02 ສະຫາຍສະມາຊິກພັກໄດ້ໄປຮັບການຍົກລະດັບທິດສະດີການເມືອງຊັ້ນສູງລະບົບເລັ່ງລັດ 05 ເດືອນ ຢູ່ສະຖາບັນການເມືອງ-ການປົກຄອງແຫ່ງຊາດຈຳນວນ ສະຫາຍໄດ້ຮັບການບໍາລຸງທິດສະດີການເມືອງ ໄລຍະ 45 ວັນຈຳນວນ 04 ສະຫາຍ.

ຄຽງຄູ່ກັນນັ້ນຄະນະໜ່ວຍພັກໄດ້ຊີ້ນໍາ-ນໍາພາການເຄື່ອນໄຫວວິຊາສະເພາະຂອງອົງການປົກຄອງ ຕາມພາລະບົດບາດໜ້າທີ່ຄວາມຮັບຜິດຊອບ ແລະ ຕາມການມອບໝາຍຂອງຂັ້ນເທິງ. ໄປຄຽງຄູ່ກັບການຕິດຕາມກວດກາ 06 ແຜນງານຍຸດທະສາດການພັດທະນາວຽກງານວິທະຍາສາດ ແລະ ເຕັກໂນໂລຊີ ກໍຄືການຕິດຕາມກວດກາ ຍຸດທະສາດຕ້ານການສໍ້ລາດບັງຫຼວງຂົງເຂດວຽກງານວິທະຍາສາດ ແລະ ເຕັກໂນໂລຊີ ມີຜົນສໍາເລັດຄື: ໄດ້ເຂົ້າຮ່ວມຕິດຕາມ ການດໍາເນີນຊີວິດການເມືອງປະຈໍາເດືອນ ຂອງບັນດາໜ່ວຍພັກ ທີ່ຂຶ້ນກັບອົງຄະນະພັກກະຊວງ ໃນສົກປີ 2015-2017 ໄດ້ 13 ໜ່ວຍ ປະຕິບັດໄດ້ຕາມແຜນການໄດ້ສຳເລັດການດໍາເນີນການເຜີຍແຜ່ເຊື່ອມຊຶມເອກະສານຕ່າງໆ ກ່ຽວກັບວຽກງານກວດກາ ແລະ ສະຫຼຸບການເຄື່ອນໄຫວວຽກງານກວດກາໃນແຕ່ລະປີສຳເລັກການແຈ້ງຊັບສິນ ແລະ ລາຍຮັບຂອງພະນັກງານທີ່ກະຊວງຄຸ້ມຄອງ ຈໍານວນ 03 ຊຸດ ໃນນີ້ໄດ້ຈັດຕັ້ງຮ່ວມກັບອົງການກວດກາລັດຖະບານ 01ຊຸດໄດ້ລົງຕິດຕາມຊຸກຍູ້ການເຄື່ອນໄຫວວຽກງານກວດກາລັດຢູ່ບັນດາກົມຫ້ອງການສະຖາບັນພາຍໃນກະຊວງພະແນກວິທະຍາສາດ ແລະ ເຕັກໂນໂລຊີແຂວງໄດ້ 18 ແຂວງໄດ້ຕິດຕາມກວດກາໂຄງການລົງທຶນຂອງລັດເລີ່ມແຕ່ຫົວທີໃນສົກປີ 2015-2016 ໄດ້ສອງໂຄງການສອງພາກສ່ວນ ຄື: ໂຄງການກໍ່ສ້າງພະແນກວິທະຍາສາດ ແລະ ເຕັກໂນໂລຊີແຂວງຫົວພັນ ແລະ ໂຄງການກໍ່ສ້າງຫ້ອງການກວດກາຄຸນນະພາບນໍາມັນເຊື້ອໄຟ ແລະ ສິນຄ້າຫຸ້ມຫໍ່ ຂອງກົມມາດຕະຖານ ແລະ ວັດແທກໄດ້ສໍາເລັດ ຄົ້ນຄວ້າສ້າງລະບຽບ ວ່າດ້ວຍການຄຸ້ມຄອງຕູ້ຮັບຄໍາຮ້ອງ-ຄໍາສະເໜີຂອງກະຊວງ ແລະ ໄດ້ຕິດຕັ້ງຢູ່ ສອງຈຸດຄື: ຕໍ່ໜ້າຕຶກກະຊວງ ແລະ ຕໍ່ໜ້າກົມມາດຕະຖານ ແລະ ວັດແທກ... ນອກຈາກນີ້ພາຍໃຕ້ໂຄງການຄົ້ນຄວ້າສ້າງຄວາມເຂັ້ມແຂງໃຫ້ວຽກງານກວດກາ ຍັງໄດ້ສໍາເລັດການສ້າງເວັບໄຊ໌ຂອງກົມກວດກາ ແລະ ໂປຣແກຣມຄຸ້ມຄອງຂໍ້ມູນວຽກງານກວດກາ ເພື່ອເຮັດໃຫ້ການເກັບກໍາຂໍ້ມູນການລາຍງານຂໍ້ມູນມີຄວາມສະດວກວ່ອງໄວທັນສະໄໝຊຶ່ງໄດ້ທົດລອງຕິດຕັ້ງນໍາໃຊ້ຢູ່ພະແນກວິທະຍາສາດ-ເຕັກໂນໂລຊີແຂວງ ບໍ່ແກ້ວອຸດົມໄຊສະຫວັນນະເຂດ ແລະ ແຂວງຈຳປາສັກ. ພ້ອມດຽວກັນນີ້ໄດ້ສໍາເລັດການຄົ້ນຄວ້າສ້າງຄູ່ມືຝຶກອົບຮົມວຽກງານກວດກາ ພັກ-ລັດຂອງຂະແໜງວິທະຍາສາດ ແລະ ເຕັກໂນໂລຊີ.

ຕິດພັນກັບຜົນງານການເຄື່ອນໄຫວວຽກງານໃນໄລຍະຜານມາ ໜ່ວຍພັກກົມກວດກາ ຍັງມີທິດທາງແຜນການໃນຕໍ່ໜ້າ ຄື: ຈະສືບຕໍ່ຜັນຂະຫຍາຍຈັດຕັ້ງປະຕິບັດມະຕິກອງປະຊຸມໃຫຍ່ສະມາຊິກພັກຄັ້ງທີ II ຂອງອົງຄະນະພັກກະຊວງແຜນພັດທະນາວຽກງານວິທະຍາສາດ ແລະ ເຕັກໂນໂລຊີມະຕິກອງປະຊຸມໃຫຍ່ຄັ້ງທີ II ຂອງໜ່ວຍພັກກົມກວດກາແຜນຍຸດທະສາດຕິດຕາມກວດກາ ແລະ ຕ້ານການສໍ້ລາດບັງຫຼວງໃນຂົງເຂດວຽກງານວິທະຍາສາດ ແລະ ເຕັກໂນໂລຊີເພີ່ມທະວີການສຶກສາອົບຮົມການເມືອງ-ແນວຄິດ ໃຫ້ສະມາຊິກພັກ-ພະນັກງານເປັນປົກກະຕິ ຍົກສູງຄຸນທາດການເມືອງຄຸນສົມບັດສິນທຳປະຕິວັດຍົກສູງນໍ້າໃຈຮັບຜິດຊອບຄວາມເປັນແບບຢ່າງນຳໜ້າໃນການຈັດຕັ້ງປະຕິບັດມະຕິຄຳສັ່ງກົດລະບຽບຂອງພັກກົດໝາຍ ແລະ ລະບຽບການອື່ນໆ ໃຫ້ຮັບປະກັນເຮັດສໍາເລັດໜ້າທີ່ການເມືອງທີ່ຄະນະພັກ-ຄະນະນໍາມອບໝາຍໃຫ້ເພີ່ມທະວີຄວາມສາມັກຄີເປັນເອກະພາບຂອງຄະນະໜ່ວຍພັກສະມາຊິກພັກພະນັກງານ-ລັດຖະ ກອນໃຫ້ແໜ້ນແຟ້ນກໍ່ສ້າງໜ່ວຍພັກໃຫ້ໜັກແໜ້ນທາງດ້ານການເມືອງແນວຄິດເຂັ້ມແຂງທາງດ້ານການຈັດຕັ້ງ ໂດຍຖືເອົາວຽກງານກໍ່ສ້າງໜ່ວຍພັກປອດໃສເຂັ້ມແຂງໜັກແໜ້ນເປັນໃຈກາງປັບປຸງແບບແຜນວິທີເຮັດວຽກເປັນຕົ້ນແມ່ນວຽກງານ ກວດກາພັກວຽກງານກວດກາລັດ ແລະ ຕ້ານການສໍ້ລາດບັງຫຼວງວຽກງານຄົ້ນຄວ້າຄຳຮ້ອງ-ຄຳສະເໜີວຽກງານນິຕິກຳ ໃຫ້ດີຂຶ້ນກວ່າເກົ່າ.

ໃນກອງປະຊຸມ ຜູ້ແທນສົມບູນຍັງໄດ້ພ້ອມກັນໃຊ້ສິດ ປະຊາທິປະໄຕ ຂອງຕົນປ່ອນບັດຄັດເລືອກເອົາຄະນະໜ່ວຍພັກ ຊຸດໃໝ່ຖືກຕ້ອງຕາມກົດລະບຽບຂອງພັກທຸກຂັ້ນຕອນບົນພື້ນຖານຄວາມຖືກຕ້ອງສອດຄ່ອງກັບມາດຖານເງື່ອນໄຂທີ່ກຳນົດໄວ້ ຊຶ່ງມີຜູ້ລົງສະໝັກເລືອກຕັ້ງທັງໝົດ ສະຫາຍຍິງສະຫາຍ. ກອງປະຊຸມຄັ້ງປະຖົມມະລຶກຂອງຄະນະໜ່ວຍພັກກົມກວດກາສະໄໝທີ ກັບຄະນະພັກຂັ້ນເທິງໄດ້ເປັນເອກະພາບສົມບູນເລືອກເອົາ ສະຫາຍ ເຮີເຊັງ ເຢຍປໍເຮີ ເປັນເລຂາໜ່ວຍສະຫາຍ ສົມຫວາດ ໂພທິສັດ ເປັນຮອງເລຂາໜ່ວຍພັກທັງເປັນປະທານກວດກາໜ່ວຍພັກກົມກວດກາ.

ໂອກາດດຽວກັນນີ້ກອງປະຊຸມໃຫຍ່ຍັງໄດ້ຮັບຟັງການໂອ້ລົມຂອງ ສະຫາຍ ບັນດິດ ສຈ. ບໍ່ວຽງຄຳ ວົງດາລາກຳມະການສູນກາງພັກເລຂາຄະນະພັກລັດຖະມົນຕີກະຊວງວິທະຍາສາດ ແລະ ເຕັກໂນໂລຊີຊຶ່ງສະຫາຍໄດ້ສະແດງຄວາມຍ້ອງຍໍຊົມເຊີຍຕໍ່ການຊີ້ນຳ-ນຳພາຂອງຄະນະໜ່ວຍພັກຊຸດເກົ່າ ທີ່ໄດ້ຊີ້ນຳ-ນຳພາພະນັກງານສະມາຊິກພັກປະຕິບັດໜ້າທີ່ການເມືອງໃນໄລຍະຊຸມປີຜ່ານມາ ຊຶ່ງສາມາດຍາດໄດ້ຜົນສຳເລັດຫຼາຍດ້ານ. ສະຫາຍຍັງໄດ້ສະແດງຄວາມເປັນຫວ່ງເປັນໄຍຕໍ່ດ້ານອ່ອນຂໍ້ຄົງຄ້າງ ແລະ ໄດ້ຮຽກຮ້ອງໃຫ້ຄະນະໜ່ວຍພັກຊຸດໃໝ່ ຈະຕ້ອງໄດ້ສືບຕໍ່ປັບປຸງແກ້ໄຂ. ພ້ອມດຽວກັນນັ້ນສະຫາຍຍັງໄດ້ໃຫ້ທິດຊີ້ນຳວຽກງານແຕ່ລະດ້ານ ເປັນຕົ້ນແມ່ນ: ໃຫ້ສືບຕໍ່ຍົກລະດັບວິຊາສະເພາະຂອງສະມາຊິກພັກ-ພະນັກງານສືບຕໍ່ຍົກສູງຄວາມສາມັກຄີພາຍໃນໃຫ້ໜັກແໜ້ນກ້າຕຳນິ-ສົ່ງຂ່າວເຊິ່ງກັນ ແລະ ກັນກໍາແໜ້ນຫຼັກການເຮັດວຽກຂອງພັກເຮົາ ກໍຄືການເຮັດວຽກລວມສູນປະຊາທິປະໄຕເປັນໝູ່ຄະນະ,ກຳແໜ້ນບັນດາກົດໝາຍກົດລະບຽບນິຕິກຳ ໃຫ້ເລິກເຊິ່ງ ເພື່ອຈັດຕັ້ງປະຕິບັດໜ້າທີ່ວຽກງານຮັບຜິດຊອບຂອງຕົນໃຫ້ຍາດໄດ້ຜົນງານ ແລະ ມີຜົນສຳເລັດຍິ່ງໃຫຍ່ກວ່າເກົ່າ.

 

ພາບ ແລະ ຂ່າວ: ເວັບໄຊກະຊວງວິທະຍາສາດ ແລະ ເຕັກໂນໂລຊີ 
Untitled1Untitled2Untitled3Untitled4Untitled5Untitled6Untitled8Untitled9

 

ແຜນທີ່

 

ຄັງຮູບພາບ

ຕິດຕໍ່ພວກເຮົາ

​ທີ່ຕັ້ງ  :    ກະຊວງ ວິທະຍາສາດ ​ແລະ ​ເຕັກ​ໂນ​ໂລ​ຊີ

             ຕຶກ​ 100

​ໂທ    :    (+856-21) 243310 ຕໍ່ 110

             (+856-21) 255075 ຕໍ່ 110

​ແຟັກ  :    (+856-21) 213 470

ຕູ້ ປ​.ນ:   2279, ນະຄອນຫຼວງ​ວຽງ​ຈັນ

ອີເມວ:    doi@most.gov.la

​ເວັບ​ໄຊ:   ​doi.most.gov.la

ຖະໜົນ ນາໄຮ່ດຽວ, ບ້ານ ສີດຳດວນ, ​ເມືອງ ຈັນທະ​ບູລີ

ນະຄອນຫຼວງວຽງຈັນ

Sunday the 17th. ສະຫວງນລິຂະສິດໂດຍ ກົມກວດກາ, ກະຊວງວິທະຍາສາດ ແລະ ເຕັກໂນໂລຊີ. ອອກແບບໂດຍ ກົມເຕັກໂນໂລຊີດິຈິຕ໋ອນ, ກະຊວງວິທະຍາສາດ ແລະ ເຕັກໂນໂລຊີ.