ຍິນດີຕ້ອນຮັບເຂົ້າສູ່ເວັບໄຊ ກົມກວດກາ, ກະຊວງ ວິທະຍາສາດ ແລະ ເຕັກໂນໂລຊີ !!!

ກົມກວດກາ ສະຫຼຸບການເຄື່ອນໄຫວວຽກງານ ປະຈຳປີ 2017 ແລະ ວາງທິດທາງແຜນການ 2018

005ໃນຕອນເຊົ້າຂອງວັນທີ 16 ກຸມພາ 2018 ທີ່ຜ່ານມານີ້, ກົມກວດກາ ກະຊວງວິທະຍາສາດ ແລະ ເຕັກໂນໂລຊີ (ກວຕ) ໄດ້ຈັດກອງປະຊຸມ ສະຫຼຸບການເຄື່ອນໄຫວ ວຽກງານ ຂອງກົມກວດກາ ປະຈຳປີ 2017 ຢຸ່ຫ້ອງປະຊຸມ ກວຕ ໂດຍການເປັນປະທານ ຂອງທ່ານ ບັນດິດ ສຈ. ບໍ່ວຽງຄຳ ວົງດາລາ ກຳມະການ ສູນກາງພັກ, ລັດຖະມົນຕີ ກວຕ.

ທ່ານ ເຮີເຊັງ ເຢຍປໍເຮີ, ຫົວໜ້າກົມກວດກາ, ໄດ້ຕີລາຄາຄືນສະພາບການຈັດຕັ້ງປະຕິບັດວຽກງານ ກວດ ກາປະຈຳປີ 2017 ດັ່ງນີ້: ໃນໄລຍະ 1 ປີ ຜ່ານມາ ໂດຍປະຕິ ບັດຕາມພາລະບົດບາດ, ໜ້າທີ່ ຄວາມຮັບຜິດ ຊອບຂອງກົມ ແລະ ພາຍໃຕ້ການຊີ້ນຳ-ນຳພາຂອງຄະນະພັກ, ຄະນະນຳກະຊວງ, ກົມກວດກາໄດ້ ສຳເລັດວຽກ ງານອັນພົ້ນເດັ່ນຫຼາຍດ້ານ ເຊັ່ນ: ໄດ້ຄົ້ນຄວ້າ ອອກນິຕິກຳ ຈຳນວນໜຶ່ງເພື່ອ ເປັນບ່ອນ ອີງໃຫ້ແກ່ ການເຄື່ອນໄຫວ ວຽກງານກວດກາ; ໄດ້ຕິດຕາມ, ຊຸກຍູ້ການເຄື່ອນ ໄຫວວຽກງານ ກວດກາປົກກະຕິຢູ່ບັນດາກົມ, ຫ້ອງການ, ສະຖາ ບັນ ແລະ ວຽກງານນິຕິກຳຂອງກະຊວງ, ຢູ່ພະແນກວິທະຍາສາດແລະ ເຕັກໂນໂລຊີແຂວງຈຳນວນ ໜຶ່ງ; ໄດ້ຕິດ ຕາມ, ຊຸກຍູ້ການດຳເນີນຊີວິດພັກປະຈຳເດືອນ ແລະ ເກັບກຳສະພາບການເຄື່ອນໄຫວຂອງບັນດາໜ່ວຍພັກ, ສະມາຊິກ ພັກທີ່ຂື້ນກັບຄະນະພັກ ກະຊວງ; ສຳເລັດການຈັດຝຶກອົບຮົມໃນຫົວຂໍ້ຕ່າງໆ ຈຳນວນໜື່ງແລະ ໄດ້ສົມທົບກັບບັນດາກົມ, ຫ້ອງການແລະ ສະຖາບັນພາຍໃນ ກະຊວງເພື່ອສະໜອງຂໍ້ມູນ ທີ່ພົວພັນກັບວຽກງານວິທະຍາສາດ ແລະ ເຕັກໂນໂລຊີ ສົ່ງໃຫ້ພາກສ່ວນທີ່ກ່ຽວຂ້ອງ.

ດ້ານວຽກງານວິຊາສະເພາະ: ໄດ້ເຄື່ອນໄຫວວຽກງານວິຊາສະເພາະ ຕາມໜ້າທີ່ຄວາມຮັບຜິດຊອບຂອງຕົນ ແລະ ຕາມການມອບໝາຍຂອງຄະນະພັກ, ຄະນະ ນຳກະຊວງ ສາມາດສະຫຼຸບບັນດາວຽກງານຕ່າງໆດັ່ງນີ້: ວຽກງານສັງລວມ: ໄດ້ຮັບເອກະສານຂາເຂົ້າຈຳນວນ 499 ສະບັບ ແລະ ເອກະສານຂາອອກ 286 ສະບັບ; ໄດ້ເກັບກຳສະຖິຕິພະນັກງານ ແລະ ຄຸ້ມຄອງຊີວະປະຫວັດພະນັກງານພາຍໃນກົມກວດກາ, ສໍາເລັດການປັບປຸງຊັບຊ້ອນພະນັກງານ-ວິຊາການ ເຂົ້າແຕ່ລະພະແນກ ພາຍໃນກົມຕາມແຕ່ລະຕຳແໜ່ງງານ; ສຳເລັດຂື້ນແຜນຄວາມຕ້ອງການອຸປະກອນຮັບໃຊ້ຫ້ອງການຂອງກົມກວດກາເຊັ່ນ: ໂຕະ, ຕັ່ງ, ຕູ້, ປຣິນເຕີແລະ ອື່ນໆ ທີ່ຈຳເປັນ; ສຳເລັດການສະຫຼຸບຜົນງານການຄັດເລືອກພະນັກງານດີເດັ່ນ 5 ປີ ຂອງກົມກວດກາ ສົ່ງໃຫ້ກົມຈັດຕັ້ງ-ພະນັກງານ; ສຳເລັດປະ ເມີນຜົນການປະຕິບັດ ການເຄື່ອນໄຫວ ໜ້າທີ່ວຽກງານຂອງພະນັກງານ ປະຈຳປີ 2016-2017 ເພື່ອສົ່ງໃຫ້ກົມຈັດຕັ້ງ-ພະນັກງານ; ສຳເລັດການປະເມີນ ຜົນພະນັກງານ 95% ເລື່ອນເປັນ ພະນັກງານ 100% ສົ່ງໃຫ້ກົມຈັດຕັ້ງບພະນັກງານ; ສຳເລັດການຮ່າງຂໍ້ຕົກລົງແບ່ງຄວາມຮັບຜິດຊອບໃຫ້ພະນັກງານ ກົມກວດກາ ໃນການຕິດຕາມ, ຊຸກຍູ້ວຽກງານ ຂອງບັນດາກົມ, ສະຖາບັນ ແລະ ຫ້ອງການ ແລະ ພະແນກວິທະຍາສາດເຕັກໂນໂລຊີ ໃນທົ່ວປະເທດ; ສຳເລັດການສະຫລຸບການຈັດຕັ້ງປະຕິບັດແຜນພັດທະນາ ວຽກງານວິທະຍາສາດ ແລະ ເຕັກໂນໂລຊີ ແລະ ການລົງທຶນຂອງລັດ ປະຈຳປີ 2017 ສົ່ງໃຫ້ກົມ ແຜນການ ແລະ ການຮ່ວມມື; ສຳເລັດການສະຫຼຸບການຈັດຕັ້ງ ປະຕິບັດ ແຜນພັດທະນາວິທະຍາສາດ ແລະ ເຕັກໂນໂລຊີ 6 ເດືອນຕົ້ນປີ ແລະ ວາງທິດທາງ ແຜນການ 6 ເດືອນທ້າຍປີ ຂອງກົມ ສົ່ງໃຫ້ກົມແຜນການ ແລະ ການຮ່ວມມື; ສຳເລັດການຂື້ນແຜນງົບປະມານ ຮ່ວງສົ່ງເສີມວິຊາການສົກປີ 2018 ຂອງກົມ ກວດກາ ສົ່ງໃຫ້ຫ້ອງການກະຊວງ; ສຳເລັດບົດລາຍງານກ່ຽວກັບ ບົດແນະນຳການປັບປຸງການຈັດຕັ້ງຄະນະກວດກາພັກ, ອົງການກວດກາລັດ ກະຊວງ-ອົງການ ແລະ ທ້ອງຖິ່ນ (ສະບັບປັບປຸງ) ເລກທີ 192/ຄກສພ, ລົງວັນທີ 26 ມິຖຸນາ 2017 ຂອງຄະນະກວດກາສູນກາງພັກ; ສຳເລັດສ້າງ ແຜນຄວາມຕ້ອງການ ພະນັກງານ-ລັດຖະກອນ ສົກປີ 2016-2017 ສົ່ງໃຫ້ກົມຈັດຕັ້ງ-ພະນັກງານ; ສຳເລັດກອງປະຊຸມທາບທາມ ເພື່ອສ້າງແຜນກຳນົດ ພະນັກງານ ນຳພາ-ຄຸ້ມຄອງ ຮ່ວມກັບກົມຈັດຕັ້ງ-ພະນັກງານ ແລະ ຍັງໄດ້ຮ່າງກົດລະບຽບຈາລະຈອນເອກະສານ ພາຍໃນ ຂອງກົມກວດກາ; ໄດ້ສ້າງແຜນການ ເຄື່ອນໄຫວ ປະຈຳເດືອນ ຂອງຫົວໜ້າກົມແລະ ຂອງກົມສົ່ງໃຫ້ຫ້ອງການທຸກໆວັນທີ 25 ຂອງເດືອນ.

ດ້ານວຽກງານກວດກາພັກ: ໄດ້ສໍາເລັດການສ້າງແຜນການຈັດຕັ້ງປະຕິບັດການກໍ່ສ້າງໜ່ວຍພັກແຂງ-ຮູ້ນຳພາຮອບດ້ານ ປະຈຳປີ 2017; ສຳເລັດການເຄື່ອນ ໄຫວເຂົ້າຮ່ວມກອງປະຊຸມດຳເນີນຊີວິດພັກປະຈຳເດືອນ ຈຳນວນ 9 ໜ່ວຍພັກ ທີ່ຂື້ນກັບກະຊວງ ປະຈໍາສົກປີ 2017 ເຊັ່ນ: ໜ່ວຍພັກກົມຈັດຕັ້ງ-ພະນັກງານ, ກົມວິ ທະຍາສາດ, ກົມເຕັກໂນໂລຊີດິຈິຕ໋ອນ, ກົມເຕັກໂນໂລຊີນະວັດຕະກຳ, ກົມມາດຕະຖານ ແລະ ວັດແທກ, ຫ້ອງການສະພາວິທະຍາສາດແຫ່ງຊາດ, ສະຖາ ບັນພະລັງງານ ທົດແທນ ແລະ ວັດສະດຸໃຫມ່, ສະຖາບັນເຕັກໂນໂລຊີຄອມພິວເຕີ ແລະ ອີເລັກໂຕຼນິກ ແລະ ສະຖາບັນນິເວດວິທະຍາ ແລະ ເຕັກໂນໂລຊີຊີ ວະພາບ; ສຳເລັດການເປີດ ກອງປະຊຸມສ່ອງແສງວຽກງານກວດກາ ປະຈຳ 3 ເດືອນ, 6 ເດືອນ ແລະ 1 ປີ; ສົມທົບກັບຫ້ອງການພັກເກັບກໍາສະຖິຕິກ່ຽວກັບ ວຽກງານພັກ ໃນແຕ່ລະໄລຍະ ປະຈຳປີ 2017; ສຳເລັດການສ້າງຫຼັກສູດການຮຽນການສອນ ກ່ຽວກັບວຽກງານກວດກາ ສົ່ງໃຫ້ກົມຈັດຕັ້ງ-ພະນັກງານ ເປັນຜູ້ສັງ ລວມ; ສຳເລັດການເຄື່ອນໄຫວວຽກງານກວດກາ ພັກຂອງ ກວຕ ຮ່ວມກັບຄະນະກວດກາສູນກາງພັກ, ກົມກວດກາພັກອ້ອມຂ້າງສູນກາງ ໃນການຕິດ ຕາມ, ຊຸກຍູ້ວຽກງານກັບ 4 ພາກສ່ວນຄື: ກົມຈັດຕັ້ງ-ພະນັກງານ, ກົມວິທະຍາສາດ, ກົມມາດຕະຖານ ແລະ ວັດແທກ ແລະ ສະຖາບັນນິເວດວິທະຍາ; ສຳເລັດບົດ ລາຍງານບັ້ນດຳເນີນຊີວິດການເມືອງປັບປຸງປົວແປງ ໜ່ວຍພັກກົມ ກວດກາ ສົ່ງໃຫ້ຫ້ອງການອົງຄະນະພັກກະຊວງ; ສຳເລັດບົດລາຍງານ ຜົນຂອງ ການເຂົ້າຮ່ວມ ເຄື່ອນໄຫວວຽກງານ ກັບກົມກວດກາພັກອ້ອມຂ້າງສູນກາງ ຄະນະກວດກາ ສູນກາງພັກ ໃນການຕິດຕາມ, ຍຸກຍູ້ວຽກງານປົກກະຕິ, ວຽກງານ ກວດກາພັກ ຢູ່ ກວຕ; ສຳເລັດບົດລາຍງານຜົນຂອງການເຂົ້າຮ່ວມຕິດຕາມ, ຊຸກຍູ້ກອງປະຊຸມດຳເນີນ ຊີວິດພັກ ປະຈຳເດືອນຂອງບັນດາໜ່ວຍພັກບັນດາກົມ, ຫ້ອງການ ແລະ ສະຖາບັນ ປະຈຳ 6 ເດືອນຕົ້ນປີ 2017 ທີ່ຂື້ນກັບ ກວຕ; ໄດ້ສົມທົບນຳຫ້ອງການພັກ ເກັບກຳ ສະຖິຕິສະມາຊິກພັກ-ພະນັກງານຈຳນວນ 9 ແບບຟອມ ສົ່ງໃຫ້ກົມກວດກາພັກອ້ອມຂ້າງສູນກາງ; ກະກຽມບົດສະຫຼຸບລາຍງານກອງປະຊຸມສ່ອງ ແສງວຽກງານກວດ ກາພັກ ພາຍໃນ ກວຕ; ປະສານສົມທົບ ກັບພາກສ່ວນທີ່ກ່ຽວຂ້ອງ ເພື່ອເຂົ້າຮ່ວມການດຳເນີນຊີວິດພັກ ປະຈຳເດືອນຂອງບັນດາໜ່ວຍພັກ ທີ່ຂື້ນກັບຄະນະພັກກະຊວງ ທີ່ຍັງຄ້າງ 3 ໜ່ວຍພັກ ໃຫ້ສຳເລັດ.

ດ້ານວຽກງານກວດກາການບໍລິຫານລັດ ແລະ ຕ້ານການສໍ້ລາດບັງຫຼວງ: ໄດ້ສຳເລັດເປີດກອງປະຊຸມສະເຫຼີມສະຫຼອງ ແລະ ປາຖະກາຖາມູນເຊື້ອວັນສ້າງຕັ້ງ ອົງການ ກວດກາພັກ-ລັດ ຄົບ ຮອບ 35 ປີ ຮ່ວມກັບກົມຈັດຕັ້ງ-ພະນັກງານ; ສໍາເລັດການເກັບກໍາຂໍ້ມູນສະຖິຕິພະນັກງານກວດກາຂອງ ກະຊວງ ກວຕ ປະຈໍາປີ 2017 ສົ່ງໃຫ້ຄະນະກວດກາສູນກາງພັກ; ສໍາເລັດການເກັບກໍາຂໍ້ມູນສະຖິຕິ ກ່ຽວກັບການຈັດຕັ້ງປະຕິບັດຜົນການກວດກາລັດ ແຕ່ປີ 2011-2016 ແລະ ປະຈໍາປີ 2017; ສໍາເລັດການສ້າງໂຄງຮ່າງບົດສະຫຼຸບວຽກງານກວດກາ ແຈ້ງໃຫ້ບັນດາກົມ, ຫ້ອງການ ແລະ ສະຖາບັນ; ສໍາເລັດການຮ່າງເອກະສານແຈ້ງການ ເພື່ອໃຫ້ບັນ ດາກົມ, ຫ້ອງ ການ ແລະ ສະຖາບັນ ຊຸກຍູ້ພະນັກງານທີ່ຍັງບໍ່ທັນໄດ້ແຈ້ງຊັບສິນ ແລະ ລາຍຮັບ ຊຸດທີ 1 ແລະ ຊຸດທີ 2 ໃຫ້ມາພົວພັນເອົາເອກະ ສານ ນຳກົມກວດກາ ເພື່ອແຈ້ງຊັບສິນ; ສຳເລັດການຂຽນໂຄງການຄົ້ນຄວ້າວິທະຍາສາດປະຈຳປີ 2018 ໃນຫົວຂໍ້ການກວດກາເຕັກນິກ ຂອງກົມຊັບສິນທາງ ປັນຍາ ແລະ ກົມມາດຕະ ຖານ ແລະ ວັດແທກ; ສ້າງແຜນການເຄື່ອນໄຫວວຽກງານກວດກາປົກກະຕິ ຢູ່ບັນດາກົມ, ຫ້ອງການ, ສະຖາບັນ ແລະ ພະແນກວິທະ ຍາສາດ ແລະ ເຕັກໂນໂລຊີ ແຂວງ ປະຈຳປີ 2017; ຮັບເອກະສານແຈ້ງຊັບສິນ ແລະ ລາຍຮັບຂອງພະນັກງານຊຸດທີ 2 ເພື່ອປະຕິບັດຕາມດຳລັດວ່າດ້ວຍ ການແຈ້ງຊັບສິນ-ລາຍຮັບ ພ້ອມທັງ ກະກຽມ ສະຫຼຸບສົ່ງໃຫ້ຄະນະ ກວດກາສູນກາງພັກ; ກະກຽມບົດສະຫລຸບການເຄື່ອນໄຫວວຽກງານກວດກາ ປະຈຳປີ 2017 ແລະ ທິດທາງແຜນການວຽກງານ ກວດກາ ປີ 2018 ຂອງຄະນະ ກວດກາພັກ ກວຕ; ໄດ້ສະຫຼຸບວຽກງານແຈ້ງຊັບສິນ ແລະ ລາຍຮັບຂອງພະ ນັກງານ-ລັດຖະກອນ ກະຊວງ ວິທະຍາສາດ ແລະ ເຕັກໂນໂລຊີ ຊຸດທີ 2 ເພື່ອສົ່ງໃຫ້ຄະນະ ກວດກາສູນກາງ, ອົງການກວດກາລັດຖະບານ ແລະ ໄດ້ສະຫຼຸບ ບັນດາພຶດຕິກຳ ທີ່ເປັນການສໍ້ລາດບັງຫຼວງ ແລະ ການຈັດຕັ້ງປະຕິບັດຍຸດທະສາດຕ້ານການສໍ້ລາດບັງຫຼວງ ຮອດປີ 2020 ຢູ່ກະຊວງ ວິທະຍາສາດ ແລະ ເຕັກໂນໂລຊີ ປະຈຳປີ 2017.

ດ້ານວຽກງານຄຳຮ້ອງ-ຄຳສະເໜີ: ໄດ້ສຳເລັດການລົງຕິດຕາມ, ກວດກາ ພະນັກງານ-ລັດຖະກອນປະລະໜ້າທີ່ຂອງບັນດາກົມ, ຫ້ອງການ ແລະ ສະຖາບັນ ພາຍໃນ ກະຊວງ ພ້ອມທັງສະຫຼຸບບົດລາຍງານສົ່ງໃຫ້ກົມຈັດຕັ້ງ-ພະນັກງານ; ສຳເລັດບົດລາຍງານການຄົ້ນຄວ້າຄຳຮ້ອງຂອງພະນັກງານ-ສະມາຊິກພັກ ກົມເຕັກ ໂນໂລຊີ ຂໍ້ມູນຂ່າວສານ ແລະ ກົມຊັບສິນທາງປັນຍາ; ສຳເລັດການຮ່າງພາລະບົດບາດການຈັດຕັ້ງ ແລະ ການເຄື່ອນໄຫວຂະແໜງກວດກາຂັ້ນທ້ອງຖິ່ນ; ສຳເລັດ ຮ່າງລະ ບຽບຄຸ້ມ ຄອງຕູ້ຮັບຄຳຮ້ອງ-ຄຳສະເໜີຂອງ ກວຕ; ໄດ້ຮັບຄຳຮ້ອງ-ຄຳສະເໜີຈາກພະນັກງານ-ສະມາຊິກພັກ ຈຳນວນ 2 ສະບັບ; ຕິດຕາມຄຳຮ້ອງ-ຄຳ ສະເໜີ ຈາກພາກສ່ວນຕ່າງໆ ພາຍໃນກະຊວງ 8 ສະບັບ; ຕິດຕາມການຕິດຕັ້ງຕູ້ຮັບຄຳຮ້ອງ-ຄຳສະເໜີ ຂອງ ກວຕ; ກະກຽມຮ່າງແຜນການເຄື່ອນໄຫວ ເຂົ້າຮ່ວມຄົ້ນຄວ້າ ແກ້ໄຂຄຳຮ້ອງ ແລະ ຄຳສະເໜີ ແລະ ເກັບກຳຂໍ້ມູນຄຳຮ້ອງ-ຄຳສະເໜີ ຂອງກົມຊັບສິນທາງປັນຍາ ແລະ ກົມມາດຕະຖານ ແລະ ວັດແທກ.

ດ້ານວຽກງານນິຕິກຳ: ໄດ້ສຳເລັດການຈັດຕັ້ງປັບປຸງຮ່າງປະມວນກົດໝາຍອາຍາ, ການສ້າງນິຕິກຳລຸ່ມກົດໝາຍ, ການດັດແກ້ຄ່າທຳນຽມ ແລະ ຄ່າບໍລິການ ທີ່ພົວພັນ ກັບວຽກງານຂະແໜງວິທະຍາສາດ ແລະ ເຕັກໂນໂລຊີ ສົ່ງໃຫ້ພາກສ່ວນທີ່ກ່ຽວຂ້ອງ; ສຳເລັດກອງປະຊຸມສຳມະນາ, ທາບທາມຄຳເຫັນ ໃສ່ຮ່າງກົດ ໝາຍວ່າ ດ້ວຍ ການຖ່າຍທອດເຕັກໂນໂລຊີ ແລະ ກົດໝາຍວ່າດ້ວຍຊັບສິນທາງປັນຍາ ຢູ່ 3 ພາກຄື: ພາກເໜືອ, ພາກກາງ ແລະ ພາກໃຕ້; ສຳເລັດການນຳ ເອົານິຕິກຳ ເພື່ອໄປ ທາບທາມຄຳເຫັນທົ່ວໄປ ແລະ ເຜີຍແຜ່ລົງເວບໄຊຈົດໝາຍເຫດທາງລັດຖະການ ຂອງກະຊວງຍຸຕິທຳ ລວມທັງໝົດ 11 ສະບັບ; ສຳເລັດ ການປະກອບຄຳເຫັນ ໃສ່ຮ່າງ ປະມວນກົດໝາຍອາຍາ ທີ່ພົວພັນກັບວຽກງານຂອງຂະແໜງວິທະຍາສາດ ແລະ ເຕັກໂນໂລຊີ ໃນນາມກອງເລຂາ ຄະນະຮັບ ຜິດຊອບປັບປຸງຄ່າທຳນຽມ ແລະ ຄ່າບໍລິການ ຂອງຂະແໜງວິທະຍາສາດ ແລະ ເຕັກໂນໂລຊີ; ສຳເລັດການສ້າງກົດໝາຍ ວ່າດ້ວຍການຖ່າຍ ທອດເຕັກໂນໂລຊີ ຂອງກົມເຕັກໂນໂລຊີ ແລະ ນະວັດຕະກຳ ແລະ ປັບປຸງກົດໝາຍວ່າດ້ວຍ ຊັບສິນທາງປັນຍາ ໃນນາມກອງເລຂາຄະນະຮັບຜິດຊອບສ້າງ ແລະ ປັບປຸງກົດໝາຍ; ຕິດຕາມເອກະສານສະເໜີ ງົບປະມານໂຄງການສ້າງກົດ ໝາຍ ວ່າດ້ວຍຄວາມປອດໄພທາງດ້ານລັງສີ ແລະ ນິວເຄຼຍ ປະຈຳປີ 2018; ປະສານສົມທົບ ກັບກົມວິທະຍາສາດ ໃນການສ້າງກົດ ໝາຍ ວ່າດ້ວຍ ຄວາມປອດໄພທາງ ດ້ານລັງສີ ແລະ ນິວເຄຼຍ ປະຈຳປີ 2018; ປະສານສົມ ທົບກັບບັນດາກົມ, ຫ້ອງການ, ສະຖາບັນ ໃນການຄົ້ນຄວ້າສ້າງ ແລະ ປັບປຸງນິຕິກຳລຸ່ມກົດໝາຍຕ່າງໆ; ເກັບກຳ ນິຕິກຳຕ່າງໆ ເຊັ່ນ: ກົດໝາຍ, ຄຳສັ່ງ, ຂໍ້ຕົກລົງ ແລະ ລະບຽບການອື່ນໆ.

ພາຍຫຼັງສຳເລັດການລາຍງານການເຄື່ອນໄຫວວຽກງານກວດກາ ຕະຫຼອດໜຶ່ງປີຜ່ານມາ, ທ່ານຫົວຫນ້າກົມກວດກາຍັງສະເໜີທິດທາງແຜນການວຽກງານ ກວດ ກາ ປະຈຳປີ 2018 ຕໍ່ທີ່ປະຊຸມອີກດ້ວຍ.

ເຂົ້າຮ່ວມກອງປະຊຸມດັ່ງກ່າວ ມີບັນດາທ່ານ ຮອງລັດຖະມົນ, ຫົວໜ້າຫ້ອງການ, ກົມ, ສະຖາບັນ ແລະ ພະນັກງານພາຍໃນກົມກວດກາ.

001002003004006

ແຜນທີ່

 

ຄັງຮູບພາບ

ຕິດຕໍ່ພວກເຮົາ

​ທີ່ຕັ້ງ  :    ກະຊວງ ວິທະຍາສາດ ​ແລະ ​ເຕັກ​ໂນ​ໂລ​ຊີ

             ຕຶກ​ 100

​ໂທ    :    (+856-21) 243310 ຕໍ່ 110

             (+856-21) 255075 ຕໍ່ 110

​ແຟັກ  :    (+856-21) 213 470

ຕູ້ ປ​.ນ:   2279, ນະຄອນຫຼວງ​ວຽງ​ຈັນ

ອີເມວ:    doi@most.gov.la

​ເວັບ​ໄຊ:   ​doi.most.gov.la

ຖະໜົນ ນາໄຮ່ດຽວ, ບ້ານ ສີດຳດວນ, ​ເມືອງ ຈັນທະ​ບູລີ

ນະຄອນຫຼວງວຽງຈັນ

Sunday the 17th. ສະຫວງນລິຂະສິດໂດຍ ກົມກວດກາ, ກະຊວງວິທະຍາສາດ ແລະ ເຕັກໂນໂລຊີ. ອອກແບບໂດຍ ກົມເຕັກໂນໂລຊີດິຈິຕ໋ອນ, ກະຊວງວິທະຍາສາດ ແລະ ເຕັກໂນໂລຊີ.