ຍິນດີຕ້ອນຮັບເຂົ້າສູ່ເວັບໄຊ ກົມກວດກາ, ກະຊວງ ວິທະຍາສາດ ແລະ ເຕັກໂນໂລຊີ !!!

ພະນັກງານ-ລັດຖະກອນ ກວຕ ເຊື່ອມຊຶມເອກະ ສານກໍ່ສ້າງພັກ, ຄຸ້ມຄອງພະນັກງານ ແລະ ວຽກງານກວດກາ

Untitled 04ພະນັກງານ-ລັດຖະກອນ ພາຍໃນກະຊວງວິທະຍາສາດ ແລະ ເຕັກໂນໂລຊີ (ກວຕ) ໄດ້ເຊື່ອມຊຶມເອ ກະສານ ກ່ຽວກັບວຽກງານກໍ່ສ້າງພັກ-ພະນັກງານ ແລະ ວຽກງານ ກວດກາ ໃນວັນທີ 23 ກຸມພາ 2018 ທີ່ສະຖາ ບັນການຄຸ້ມຄອງວິທະຍາສາດ ແລະ ເຕັກໂນໂລຊີ ພາຍໃຕ້ການເປັນປະທານຂອງ ທ່ານ ບັນດິດ ສຈ. ບໍ່ວຽງຄຳ ວົງດາລາ, ກໍາມະການສູນກາງພັກ, ເລຂາຄະນະພັກ, ລັດຖະມົນຕີ ກວຕ.

ການເຊື່ອມຊຶມເອກະສານຄັ້ງນີ້ ເພື່ອປະຕິບັດຕາມການແຈ້ງການຂອງຄະນະກວດກາສູນກາງພັກ ກ່ຽວກັບການຜັນຂະຫຍາຍ ເນື້ອໃນຈິດໃຈ ຂອງກອງປະຊຸມກວດກາ ທົ່ວປະເທດປະຈຳປີ 2017.

        ເອກະສານຕ່າງໆທີ່ນຳມາເຜີຍແຜ່ຢູ່ກອງປະຊຸມຄັ້ງນີ້ ປະກອບດ້ວຍ ຄຳສັ່ງຂອງກົມການເມືອງ ສູນກາງ ພັກ ວ່າດ້ວຍການເພີ່ມທະວີ ວຽກງານ ກໍ່ສ້າງ ໜ່ວຍພັກ ປອດໃສເຂັ້ມແຂງ, ໜັກແໜ້ນ, ສະບັບເລກທີ 01/ກມສພ, ລົງວັນທີ 3 ມັງກອນ 2018; ເອກະສານມະຕິ ຂອງກົມການເມືອງສູນກາງພັກ ວ່າດ້ວຍມາດຕະຖານຂອງກຳນົດ ພະນັກງານ-ຄຸ້ມຄອງ, ສະບັບເລກທີ 030/ກມສພ, ລົງວັນທີ 3 ມັງກອນ 2018; ເອກະສານມະຕິ ຂອງກົມການເມືອງ ສູນກາງພັກ ວ່າດ້ວຍການຄຸ້ມຄອງພະນັກງານ, ສະບັບເລກທີ 031/ກມສພ, ລົງວັນທີ 3 ມັງກອນ 2018; ເອກະສານມະຕິ ຂອງກົມການເມືອງສູນກາງພັກ ວ່າດ້ວຍການສ້າງແຜນກຳນົດພະນັກງານ-ຄຸ້ມຄອງ, ສະບັບເລກທີ 032/ກມສພ, ລົງວັນທີ 3 ມັງກອນ 2018; ເອກະສານບົດເເນະນຳເພີ່ມເຕີມ ຂອງຄະນະ ກວດກາສູນກາງພັກ ກ່ຽວກັບສິດຕົກລົງວິໄນຂັ້ນກ່າວເຕືອນ, ປ່ຽນແປງ ຫຼື ລົບລ້າງຮູບການວິໄນ ຂອງຄະນະກວດກາຂັ້ນເມືອງ ແລະ ທຽບເທົ່າຂຶ້ນໄປ, ສະບັບເລກທີ 05/ຄກສພ, ລົງວັນທີ 5 ມັງກອນ 2018; ເອກະສານຂໍ້ກໍານົດຂອງ ຄະນະກວດກາສູນກາງພັກ ວ່າດ້ວຍການຕິດຕາມ, ກວດກາການຈັດຕັ້ງ ປະຕິບັດ, ສະບັບເລກທີ 05/ຄກສພ, ລົງວັນທີ 5 ມັງກອນ 2018; ເອກະສານແຈ້ງການເເນະນຳເພີ່ມເຕີມ ຂອງຄະນະກວດກາສູນກາງພັກ ກ່ຽວກັບການ ຂະຫຍາຍເນື້ອໃນຈິດໃຈຂອງກອງປະຊຸມວຽກງານກວດກາທົ່ວປະເທດ, ສະບັບເລກທີ 25/ຄກສພ, ລົງວັນທີ 5 ມັງກອນ 2018; ເອກະສານສະຫຼຸບ ການເຄື່ອນໄຫວວຽກງານກວດກາປີ 2017 ແລະ ທິດທາງແຜນການປີ 2018 ຂອງຄະນະກວດກາສູນກາງ ແລະ ບົດໂອ້ລົມຂອງທ່ານ ບຸນທອງ ຈິດມະນີ, ກໍາມະການກົມການ ເມືອງສູນກາງພັກ, ຮອງນາຍົກລັດຖະມົນຕີ, ປະທານຄະນະກວດກາສູນກາງພັກ, ປະທານອົງການກວດກາລັດຖະບານ ແລະ ຫົວໜ້າ ຕ້ານການສໍ້ລາດບັງຫຼວງຂັ້ນສູນກາງ ຕໍ່ວຽກງານກວດກາທົ່ວປະເທດປະຈຳປີ 2017.

         ການເຜີຍແຜ່ເອກະສານຕ່າງໆດັ່ງທີ່ກ່າວມານັ້ນ ເພື່ອໃຫ້ພະນັກງານ ກວຕ ໄດ້ເຊື່ອມຊຶມ ບັນດາເນື້ອໃນເອກະສານ ແລ້ວນຳໄປຜັນຂະຫຍາຍ ແລະ ຈັດຕັ້ງປະຕິບັດຕາມໜ້າທີ່ຂອງຕົນໃຫ້ປາກົດຜົນເປັນຈິງ.

ຄະນະພັກ-ຄະນະນຳຂອງກະຊວງ, ບັນດາສະມາຊິກພັກ ແລະ ພະນັກງານຫຼັກແຫ່ງ ພາຍໃນ ກວຕ 200 ກວ່າຄົນ ເຂົ້າຮ່ວມກອງປະຊຸມຄັ້ງນີ້.

 

 

ຮູບພາບ: ບາລະຄອນ ສຸວັນນະພາສີ

ບົດຂ່າວ: ບຸນທັນ ນັນທະວົງ

ອັບເດດຂ່າວສານ: ເພັດທະນູພອນ ສີວໍລະເພັດ

 

Untitled 02Untitled 01Untitled 03Untitled 05Untitled 06Untitled 07

ແຜນທີ່

 

ຄັງຮູບພາບ

ຕິດຕໍ່ພວກເຮົາ

​ທີ່ຕັ້ງ  :    ກະຊວງ ວິທະຍາສາດ ​ແລະ ​ເຕັກ​ໂນ​ໂລ​ຊີ

             ຕຶກ​ 100

​ໂທ    :    (+856-21) 243310 ຕໍ່ 110

             (+856-21) 255075 ຕໍ່ 110

​ແຟັກ  :    (+856-21) 213 470

ຕູ້ ປ​.ນ:   2279, ນະຄອນຫຼວງ​ວຽງ​ຈັນ

ອີເມວ:    doi@most.gov.la

​ເວັບ​ໄຊ:   ​doi.most.gov.la

ຖະໜົນ ນາໄຮ່ດຽວ, ບ້ານ ສີດຳດວນ, ​ເມືອງ ຈັນທະ​ບູລີ

ນະຄອນຫຼວງວຽງຈັນ

Sunday the 17th. ສະຫວງນລິຂະສິດໂດຍ ກົມກວດກາ, ກະຊວງວິທະຍາສາດ ແລະ ເຕັກໂນໂລຊີ. ອອກແບບໂດຍ ກົມເຕັກໂນໂລຊີດິຈິຕ໋ອນ, ກະຊວງວິທະຍາສາດ ແລະ ເຕັກໂນໂລຊີ.