ຍິນດີຕ້ອນຮັບເຂົ້າສູ່ເວັບໄຊ ກົມກວດກາ, ກະຊວງ ວິທະຍາສາດ ແລະ ເຕັກໂນໂລຊີ !!!

ພວຕ ແຂວງບໍ່ແກ້ວ ກວດສອບຄຸນນະພາບ ນໍ້າມັນເຊື້ອໄຟ

ພິມ

01ໃນຕອນບາຍ ຂອງວັນທີ 5 ມີນາ 2018, ຂະແໜງ ຊັບສີນທາງປັນຍາ, ມາດຕະຖານ ແລະ ວັດແທກ, ພະແນກວິທະຍາສາດ ແລະ ເຕັກໂນໂລຊີ (ພວຕ) ແຂວງບໍ່ແກ້ວ ຮ່ວມກັບ ລັດວິສາຫະກິດນໍ້າມັນ ເຊື້ອໄຟລາວ ສາຂາ ແຂວງບໍ່ແກ້ວ ໄດ້ກວດກາຄຸນນະພາບນໍ້າມັນຂຶ້ນ ໂດຍການ ເຂົ້າຮ່ວມ ຂອງທ່ານ ຄອນໄຊ ສະຕິ, ຫົວໜ້າ ພວຕ ແຂວງບໍ່ແກ້ວ ແລະ ທ່ານ ສຸລິຍົງຍາ, ຫົວໜ້າ ສາຂານໍ້າມັນເຊື້ອໄຟລາວ ສາຂາ ແຂວງບໍ່ແກ້ວ.

ການຈັດພິທີກວດສອບຄຸນນະພາບນໍ້າມັນຄັ້ງນີ້ ກໍເພື່ອຕອບສະໜອງຄວາມຮຽກຕ້ອງການຂອງຜູ້ຊົມ ໃຊ້ ທີ່ຕ້ອງການໃຫ້ຈໍາໜ່າຍ ນໍ້າໜ່າຍນໍ້າມັນ ເຊື້ອໄຟ ທີ່ມີຄຸນນະພາບ ແລະ ຮັບປະກັນຄວາມປອດໄພ ໃຫ້ແກ່ຍານ ພາຫະນະ.

ແຂວງບໍ່ແກ້ວ ເປັນແຂວງໜື່ງ ທີ່ມີຊາຍແດນຕິດກັບ 3 ປະເທດ ມີຄວາມສ່ຽງສູງທີ່ຈະເກີດການລັກ ລອບຂົນສົ່ງນໍ້າມັນ ທີ່ບໍ່ໄດ້ມາດຕະຖານ ເຂົ້າມາຊົມໃຊ້ ຢູ່ພາຍໃນແຂວງ. ດ້ວຍເຫດຜົນດັ່ງກ່າວ, ພວຕ ແຂວງ ຈື່ງໄດ້ ສ້າງຕັ້ງ ຫ້ອງກວດຄຸນນະພາບນໍ້າມັນເຊື້ອໄຟ ຢຸ່ຂົວມິດຕະພາບ ແຫ່ງທີ 4 ຫ້ວຍຊາຍ-ຊຽງຂອງ ເພື່ອເຮັດໜ້າທີ່ ກວດກາ ແລະ ກວດສອບນໍ້າມັນຜ່ານແດນ ກ່ອນການນໍາມາຈຳໜ່າຍພາຍໃນແຂວງ.

ນອກຈາກນີ້, ການກວດກາ ກໍເປັນວິທີການໜຶ່ງເພື່ອສະກັດກັ້ນການລັກລອບນໍ້າມັນດ້ອຍຄຸນນະ ພາບເຂົ້າມາຈໍາໜ່າຍພາຍໃນແຂວງ. ນອກຈາກການກວດກາ ຄຸນນະພາບນໍ້າມັນຢູ່ຫ້ອງກວດແລ້ວ, ພວກເຮົາ ຍັງໄດ້ນໍາໃຊ້ ລົດກວດຄຸນນະພາບນໍ້າມັນເຄື່ອນທີ່ ເພື່ອກວດແຕ່ລະປໍ້າຈໍາໜ່າຍ ແລະ ແຕ່ລະສາງເກັບນໍ້າມັນ. ການກວດ ສອບນໍ້າມັນ ແມ່ນມີການປະສານ ແລະ ຮ່ວມມືກັບວິຊາການ ທີ່ມາຈາກກະຊວງ ວິທະຍາສາດ ແລະ ເຕັກໂນໂລຊີ, ວິຊາການ ຈາກຫ້ອງກວດ ຄຸນນະພາບນໍ້າມັນປະຈໍາ ດ່ານ ແລະ ສົມທົບກັບ ວິຊາການ ຈາກ ພວຕ ແຂວງ.

                                                                                                               ພາບ ແລະ ຂ່າວໂດຍ: ປະກາສິດ ທໍາມະວົງ

02

ແຜນທີ່

 

ຄັງຮູບພາບ

ຕິດຕໍ່ພວກເຮົາ

​ທີ່ຕັ້ງ  :    ກະຊວງ ວິທະຍາສາດ ​ແລະ ​ເຕັກ​ໂນ​ໂລ​ຊີ

             ຕຶກ​ 100

​ໂທ    :    (+856-21) 243310 ຕໍ່ 110

             (+856-21) 255075 ຕໍ່ 110

​ແຟັກ  :    (+856-21) 213 470

ຕູ້ ປ​.ນ:   2279, ນະຄອນຫຼວງ​ວຽງ​ຈັນ

ອີເມວ:    doi@most.gov.la

​ເວັບ​ໄຊ:   ​doi.most.gov.la

ຖະໜົນ ນາໄຮ່ດຽວ, ບ້ານ ສີດຳດວນ, ​ເມືອງ ຈັນທະ​ບູລີ

ນະຄອນຫຼວງວຽງຈັນ

Sunday the 17th. ສະຫວງນລິຂະສິດໂດຍ ກົມກວດກາ, ກະຊວງວິທະຍາສາດ ແລະ ເຕັກໂນໂລຊີ. ອອກແບບໂດຍ ກົມເຕັກໂນໂລຊີດິຈິຕ໋ອນ, ກະຊວງວິທະຍາສາດ ແລະ ເຕັກໂນໂລຊີ.